Князь Василий Всеволодович

От Рюрика колено XII.

Василий Всеволодович, сын родоначальника князей Ярославских Всеволода Константиновича (убит 4 марта 1238 на р. Сити, вместе с дядей своим Великим князем Владимирским Георгием Всеволодовичем (память его 4 февраля)) и Марии († 6 (по другим данным, 1) марта 1279), дочери Курского князя Олега Святославича († после 1226).

Происходил из Ярославских Рюриковичей.

По мнению некоторых историков, он родился в г. Переяславле-Залесском, принимая во внимание, что отец его женился в 1228 г., а сам Василий умер в 1249 году, оставив дочь, можно приблизительно сказать, что он родился не позднее 1229 г. и в брак вступил не ранее 1245 года^[*].

^[*] М. Д. Хмыров (№ 444) неизвестно на каком основании 1229 год положительно принимает за год рождения Василия.

В источниках впервые упоминается в 1238 г. в числе князей, оставшихся в живых после татаро-монгольского (Батыева) нашествия^[*].

^[*]П. С. Р. Л. [Полное собрание русских летописей] I, 200, 225; IV, 33; V, 174; VII, 143, в I, 200 под 6747 годом; Ник. [Никоновская летопись] III, 4.

В 1239 г., в числе других князей, Василий Всеволодович ходил в Орду, к хану Батыю († в 1255)? «про свою отчину», как выражается летопись, т. е. для своего утверждения волею хана на Ярославском княжении^[*]. Батый милостиво принял князей, «расудикъ имъ когождо в свою отчину», отпускает его на княжение (имеется в виду в Ярославль. В 1244 г. Василий вместе с другими русскими князьями опять едет в орду к хану Батыю († в 1255) «про свою отчину» который получил еще его отец по разделу конца 1217 г.), за каждым из них утвердил их «отчины» и отпустил их, как говорят летописи, «с честью»^[**]. После того Василий Всеволодович еще два раза ходил в Орду: в 1244 г. с Владимиром Константиновичем Угличским, так же, как и в 1239 г., «про свою отчину», и в следующем 1245 году с великим князем Ярославом Всеволодовичем, неизвестно по какому случаю^[***].

---

Примечание:

^[*] См. примечание ниже.

^[**] П. С. Р. Л. I, 201, 226; VII, 152.

^[***] Там же; Ник. III, 18–19. «Хронологический очерк истор. событий в г. Ярославле» С. С. [в] Яр. Губ. Вед. 1843 г. № 5. Составитель очерка, умалчивая о поездках Василия в Орду в 1239 г., говорит, что Василий Всеволодович объявлен Ярославским владетельным князем в 1243 г. То же почти встречаем и у прот. Троицкого (История губ. города Ярославля, стр. 14). С своей стороны заметим, что это было только подтверждение, а не утверждение владетельных прав.

---

В декабре 1249 г. Василий встречается во Владимире-на-Клязьме с другими князьями в т. ч. с Великим князем Александром Ярославичем Невским, вернувшимся только что из орды; 27 декабря 1249 г. он оплакивает смерть и провожает в г. Углич тело своего дяди Владимира Константиновича.

Василий Всеволодович умирает 8 февраля 1250 г. во Владимире-на-Клязьме, «на память св. Феодора», Великий князь Александр Ярославович Невский, Борис и Глеб Васильковичи (Ростовский и Белозерский князья) и мать их, княгиня Мария, провожали тело своего родича, которое погребено было 20 февраля епископом Кириллом в Ярославле, в соборной златоверхой церкви Успения Св. Богородицы.^[*]

---

Примечание:

^[*] Там же. I, 202, 226; IV, 38. Там Василий назван Ярославичем, но разумеется Ярославский; VII, 159; XV Твер. [Тверская летопись], 396, 400; Ник. III, 32; Степ. кн. [Степенная книга] I, 392. В Тверской лет. под 6758 годом сказано, что Василий умер 8 февраля, а под 6757 годом, стр. 400, Василий назван Ярославским, чем и объясняется ошибка 4-й Новгородской летописи. Из сопоставления указанных летописных мест следует заключить, что Василий умер в январе, и, может быть, 26-го, в день перенесения мощей Феодора Студита, и похоронен в феврале, но не позже.

---

В «Хронологическом очерке» С. С. говорится, что Василий Всеволодович по одним летописям умер 8 февраля 1249 г., по другим — тогда же и притом во Владимире, а наконец по третьим — он вместе с братом Константином убит в 1257 г. или в 1255 г. (по другим вариантам!) татарами при одном из частных нападений их на Ярославль, но нет указаний на те летописи, на которых основываются авторы помянутых статей в Ярославских Губернских ведомостях или Ярославских Епархиальных ведомостях. 

Только в некоторых из этих статей есть упоминание, что у местных любителей исторической старины, в их библиотеках, есть разные рукописные летописи и исторические сборники. На эти-то летописи или сказания часто и ссылаются авторы исторических статей, не оговаривая того, или оговаривая в весьма редких случаях. Например, в статье С. С. «О избавлении Ростова от разграбления татарского хана Ахмыла» (в Яросл. Губ. Вед. 1843 г. № 34) есть прямое указание на имеющийся у автора местный рукописный сборник; в статье: «Об Угличском Александровском монастыре» Ив. Серебреникова (ib. 1848 г., № 49) есть указание на имеющуюся у автора рукописную библиотеку; в статье свящ. М. Саттина: «Черемухская Спасская слобода в старину и пр.» (ib. 1885 г., № 55) есть также указание на Ростовскую летопись, принадлежавшую в 40-х годах Ростовскому купцу П. В. Хлебникову и потом сгоревшую. Выписки из этой летописи сохранились у местного Ростовского любителя исторической старины, А. Артынова; ими пользовался и о. Саттин. Нам кажется, что некоторые факты, находящиеся в исторических статьях Ярославских Губ. Ведомостей и не находимые нами в печатных летописях, заимствованы именно из местных рукописных исторических источников. Остается только показать, что в местной литературе до сих пор мало заметны попытки к описанию и оценке указанного выше материала. — По какому случаю в 1249 г. был во Владимире Василий Всеволодович? Не ездил ли он посоветоваться с великим князем и вообще с родственниками о судьбе Ярославского княжества в случае, если он, Василий, умрет, не оставив детей мужеского пола? Присутствие в то же время во Владимире князей Ростовского и Белозерского указывает, как будто, на какой-то семейный, родственный совет. Впрочем, это только наше личное предположение. Ср. примечание ниже и текст к нему.

Русская Православная Церковь причислила Благоверного князя Василия Всеволодовича к лику святых; его память празднуется 3 июля.

В 8 июля 1501 г. после пожара Ярославского собора под полом были открыты мощи князя и его брата Константина (убит 3 июля 1259 в битве с татарами); вскоре ему было установлено церковное почитание и при митрополите Данииле († 22 мая 1547) и Великого князя Московского Василии III Ивановиче, т. е. между 1522 и 1533 гг., составлено житие монахом Пахомием по благословению архиепископа ростовского и ярославского Кирилла († в 1538).

Василий был женат на княгине Ксения, которая умерла после 1282 г.; погребена в Ярославле в церкви Свв. апостолов Петра и Павла.

Его дети: Василий (упоминается в 1250, вероятно умер в младенчестве), Мария (супруга Федора Ростиславича Черного) и Анастасия (похоронена в Ярославле в церкви Свв. апостолов Петра и Павла).

Дни памяти:

5 июня - Собор Ростово-Ярославских святых

21 июня - Обре́тение мощей

16 июля

Жития и книги:

Память св. благоверных князей Василия и Константина Ярославских иером. Макарий Симонопетрский

Память о благоверн. князьях Ярославских Василии и Константине Всеволодовичах свт. Филарет Черниговский

Тропари, кондаки, молитвы и величания:

Тропарь, глас 2

Ва́ше оте́чество хва́лится обагре́нием крове́й ва́ших,/ Це́рковь же Бо́жия ра́дуется,/ прие́мши телеса́ ва́ша,/ лю́дие, пе́сненный лик соста́вльше,/ духо́вною цевни́цею вопию́т:/ лику́й, Васи́лие, ра́дуйся, Константи́не,/ Яросла́влю сла́во и всей Росси́и ра́досте.

Перевод: Ваше Отечество гордится тем, что вы пролили за него кровь, Церковь же Божия радуется, приняв тела ваши; люди, составившие молитвенное песнопение, духовной лирой взывают: «Ликуй, Василий, радуйся, Константин, Ярославлю слава и всей России радость».

Ин тропарь, глас 8

Возвы́сившеся на доброде́тель, к жела́нию кра́йнему,/ и достиго́сте к Небе́сней высоте́,/ благове́рнии вели́цыи кня́зи Васи́лие и Константи́не,/ и безстра́стным житие́м украси́сте ду́ши своя́,/ поще́нием же изря́дно победи́сте бесо́вския полки́/ и восприя́сте чи́стую со́весть,/ в моли́твах я́ко безпло́тнии пребы́сте,/ возсия́сте в ми́ре, а́ки со́лнце, пресла́внии,/ моли́те спасти́ся душа́м на́шим.

Перевод: Возвысившись в добродетели, устремившись к высочайшему и достигнув Небесных высот, благоверные великие князья Василий и Константин, вы бесстрастной жизнью украсили души свои, особенно же пощением победили войска бесовские и обрели чистую совесть, в молитвах же как бесплотные пребыли, воссияли в мире, как солнце, преславные, молите о спасении наших душ.

Кондак, глас 4

Днесь Це́рковь разширя́ет не́дра своя́/ и прие́млет многоцеле́бныя мо́щи ва́ши,/ добропобе́днии страда́льцы,/ Васи́лие сла́вне и Константи́не Богому́дре,/ и, я́ко шипо́к благово́нный, напоя́ется пречу́дными арома́ты,/ бога́тными чудодея́нии от неистощи́мых сокро́вищ,/ от пресла́вных моще́й ва́ших,/ и ра́достно чад свои́х созыва́ет вопи́ти, лю́дие:/ ра́дуйся, дво́ице пречу́дная, оте́честву своему́ стено́ необори́мая.

Перевод: Сегодня Церковь расширяет недра свои и принимает подающие многие исцеления мощи ваши, одержавшие победу мученики, Василий славный и Константин Богомудрый, и, наполняясь, как пречудными ароматами от благоухающих роз, богатым излиянием чудес от неистощимых сокровищ, преславных мощей ваших, радостно детей своих собирает, чтобы они взывали: «Радуйтесь двое князей удивительных, Отечества своего крепость неразрушимая».

Ин кондак, глас 8

Я́ко цве́ти честни́и разли́чнии,/ в ра́йстей пи́щи процве́тше невеще́ственно,/ оте́честву своему́ сла́ву ве́лию/ и сро́дником похвалу́ и честь я́вльше,/ всеи́стиннии побе́дницы, вели́кий Васи́лие и сла́вный Константи́не,/ но у́бо не преста́йте моля́щеся о гра́де ва́шем и о всех рабе́х свои́х,/ изба́вити их от напа́стей, и бед, и вся́ких лю́тых обхожде́ний, вопию́щих вам:/ ра́дуйтеся, гра́ду на́шему Яросла́влю вели́кое утвержде́ние.

Перевод: Как различные драгоценные цветы, процветшие духовно в райских кущах, Отечеству своему великую славу и соотечественникам похвалу и честь явившие, настоящие победители, великий Василий и славный Константин, не переставайте молиться о городе вашем и обо всех рабах своих, об избавлении их от напастей и бед, и всяких тяжелых обстоятельств, взывающих к вам: «Радуйтесь, города нашего Ярославля великая сила».

Акафист святым благоверным князьям Василию и Константину Ярославским:

Новая редакция утверждена Священным Синодом Русской Православной Церкви 29 июля 2017 года (журнал № 65).

Источник: сайт https:/azbyka.ru/

Кондак 1

Избра́ннии чудотво́рцы и уго́дницы Бо́жии, / свята́я кня́жеская дво́ице, / Васи́лие прехва́льне и Константи́не преди́вне, / вы, я́ко два столпа́ непоколеби́ма, / зе́млю Яросла́вскую утвержда́ете и по́мощь всеси́льную христи́аном да́руете; / те́мже, па́мять ва́шу све́тло пра́зднующе, / песнь хвалы́ поси́льную прино́сим вам и уми́льно вопие́м: / Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Икос 1

А́нгелом Небе́сным удивле́ние бысте, святи́и сла́внии кня́зие, Васи́лие и Константи́не, егда́ возжела́ли есте́ Христу́ со усе́рдием послужи́ти и за́поведи Его́ всеце́ло испо́лнити. Те́мже равноа́нгельно на земли́ пожи́ли есте́, ны́не же вку́пе со безпло́тными песнь хвалы́ Царю́ царе́й воспева́ете и моли́твы те́плыя за ны Бо́гу возно́сите; мы же, недосто́йная ча́да ва́ша, благода́рная вам возглаша́ем, пою́ще ра́достно похвалу́ сицеву́ю:

Ра́дуйтеся, А́нгелом небе́сным подо́бницы;

ра́дуйтеся, ве́ры правосла́вныя побо́рницы.

Ра́дуйтеся, адама́нти пресве́тлии и столпи́ Це́ркве непоколеби́мии;

ра́дуйтеся, кня́зие пречу́днии, Оте́честву стено́ необори́мая.

Ра́дуйтеся, догма́тов церко́вных тве́рдии храни́телие;

ра́дуйтеся, о наро́де Бо́жии те́плии попечи́телие.

Ра́дуйтеся, лучи́ духо́вныя Со́лнца Жива́го;

ра́дуйтеся, хра́мины украше́нныя Ду́ха Свята́го.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 2

Ви́дяще, я́ко сокровище многоценное, святы́я мо́щи ва́ша, чудеса́ и исцеле́ния оби́льно подаю́щия, лю́дие с ве́рою к ним припа́дают и уми́льно я́ лобыза́ют, восхваля́юще вас, ди́внии уго́дницы Бо́жии Васи́лие и Константи́не, а́лчущих пита́телие, си́рых засту́пницы, немощны́х врачи́, Бо́гу же, дарова́вшу вам кре́пость и си́лу, всем се́рдцем воспева́ют: Аллилуиа.

Икос 2

Ра́зум Боже́ственный озари́ сердца́ ва́ша, святи́и благове́рнии кня́зие Васи́лие и Константи́не, егда́, ве́ру правосла́вную в наро́де свое́м утвержда́юще, пред ха́ном пред неверными сию́ безбоя́зненно возвести́ли есте́, сего́ ра́ди и са́ми от Христа́ просла́влени бы́сте и венце́м побе́дным от руки́ Госпо́дни венча́стеся; те́мже мо́лим вы, святу́ю дво́ицу князе́й прехва́льных: огради́те ва́шими моли́твами град Яросла́вль и все Оте́чество на́ше и от всякаго навета враг видимых и невидимых избавите ны, ублажа́ющия вас похвалы́ сицевы́ми:

Ра́дуйтеся, би́сери многоце́ннии, святы́я мо́щи своя́ лю́дем дарова́вшии;

ра́дуйтеся, кла́дязи неисчерпа́емии, всеси́льную по́мощь христиа́ном подаю́щии.

Ра́дуйтеся, ма́слины плодоно́сныя, исце́ления оби́льно источа́ющия;

ра́дуйтеся, ро́ждие виногра́да Христо́ва, оби́льный плод благода́ти творя́щия.

Ра́дуйтеся, податели боже́ственных утеше́ний;

ра́дуйтеся, свети́льницы благодатных озаре́ний.

Ра́дуйтеся, кри́ни ра́йских насаждений;

ра́дуйтеся, сосуды духо́вных дарова́ний.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 3

Си́ла Вы́шняго с тобо́ю бе, пресве́тлый кня́же Васи́лие, егда́ твори́л еси́ пра́вду Бо́жию, зе́млю Яросла́вскую от нашествия иноплеменных охраня́я, Це́рковь Ру́сскую в правове́рии утвержда́я и наро́д христиа́нский во благоче́стии сохраня́я; те́мже по́двизи жития́ твоего́ доброде́тельнаго воспомина́юще, Бо́га прославля́ем, пою́ще Ему́: Аллилу́ия.

Икос 3

Иму́ще вы те́плыя моли́твенники за зе́млю на́шу, во́ини Христо́вы непобеди́мии, оба́че на неви́димыя враги́ вои́телие преси́льнии, мо́лим вы, святи́и Васи́лие и Константи́не, жи́телие пресла́внии Оте́чества Небе́снаго: воздежи́те ва́ша благоуго́днеи ру́це и воздохни́те у Престо́ла Бо́жия за ны, пою́щия вам такова́я:

Ра́дуйтеся, Сло́ва Бо́жия кре́пции исполни́телие;

ра́дуйтеся, во́ли Его́ неле́ностнии возвести́телие.

Ра́дуйтеся, благочести́вому житию́ усе́рднии учи́телие;

ра́дуйтеся, апо́стольским дея́нием ре́вностнии подража́телие.

Ра́дуйтеся, Христу́ Бо́гу ве́рнии служи́телие;

ра́дуйтеся, чино́в небе́сных сликовствова́телие.

Ра́дуйтеся, бесо́в плач и зе́льное рыда́ние;

ра́дуйтеся, христиа́н непрестаю́щее ра́дование.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 4

Бу́рю искуше́ний претерпе́л еси́, досточу́дне Константи́не, егда́ воста́ на зе́млю ру́сскую неверных властитель. Ты же, я́ко щит необори́мый, со дружи́ною на Ту́говой горе́ воздви́глся еси́ и кровь свою́ за Отечество излия́л еси́; те́мже по́двиг твой воспомина́ем и Бо́гу, укре́пльшему тя, ра́достно пое́м: Аллилу́ия.

Икос 4

Слы́ша ева́нгельское сло́во: «Не убо́йтеся от убива́ющих те́ло», ты, кня́же Константи́не, все упова́ние на Бо́га возложи́л еси́, враго́м Оте́чества твоего́ до́блественне противостал еси и жизнь свою за дру́ги твоя́ положи́л еси́, те́мже со святы́ми сро́дники свои́ми в небе́сных черто́зех всели́лся еси́ и та́мо вку́пе с Васи́лием блаже́нства ра́йская вкуша́еши и мо́лишися о нас, пою́щих вам такова́я:

Ра́дуйтеся, бу́рю зло́бных искуше́ний победи́вшии;

ра́дуйтеся, ве́ру Христо́ву му́жественно пропове́давшии.

Ра́дуйтеся, доблии воини и Отечества заступницы;

ра́дуйтеся, те́плии моли́твенницы за род христиа́нский.

Ра́дуйтеся, а́гнцы незло́бивии, Христу́ после́довавшии;

ра́дуйтеся, же́ртвы живы́я, чи́стыя и благоуха́нныя.

Ра́дуйтеся, нищету́ духо́вную стяжа́вшии;

ра́дуйтеся, бога́тство в Бо́зе ве́рою обре́тшии.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 5

Боготе́чныя зве́зды яви́стеся, святи́и кня́зие Васи́лие и Константи́не, вы бо све́том Христо́вым с небесе зе́млю озаря́ете, малове́рная сердца́ на́ша в вере утвержда́ете, заблу́ждшия и отпа́дшия от Це́ркве Ма́тере в ло́но ея́ возвраща́ете, моля́щихся вам от поро́ков и вся́ких скверн отвраща́ете, науча́юще благода́рно Бо́гу пе́ти: Аллилу́ия.

Икос 5

Ви́дяще си́лу чудотворе́ний от святы́х моще́й ва́ших подава́емую и неду́ги разли́чныя врачу́ющую, лю́дие Бо́гу благодаре́ние ве́лие прино́сят, и вам, святи́и уго́дницы Васи́лие и Константи́не, я́ко сокро́вищницам благодати Божия, те́пле вопию́т:

Ра́дуйтеся, сосу́ди злати́и Ду́ха Свята́го;

ра́дуйтеся, жили́ща пресла́вная Бо́га Жива́го.

Ра́дуйтеся, заблу́ждших в ло́но Це́ркве возвраща́ющии;

ра́дуйтеся, потемне́нных в страсте́х просвеща́ющии.

Ра́дуйтеся, от страсти пиянства избавля́ющии;

ра́дуйтеся, неду́жных безме́здно врачу́ющии.

Ра́дуйтеся, в по́двизех живущим помогающии;

ра́дуйтеся, от лжеве́рия христиа́ны сохраня́ющии.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 6

Пропове́дницы сла́вы Цари́цы Небе́сныя бы́сте, святи́и богоно́снии отцы́ на́ши, Васи́лие и Константи́не, егда́ во Успе́нский храм Богоро́дицы Яросла́вскую Ея́ ико́ну принесо́сте, научающе лю́ди прославля́ти Пречистую Богоматерь, Сы́ну же Ея́ и Бо́гу на́шему Го́споду Иису́су Христу́ благода́рно воспева́ти: Аллилу́ия.

Икос 6

Возсия́ свет в земли́ Ярославской, освеща́яй всю вселе́нную, егда́ ико́на Богоро́дицы, во храм ва́ми принесе́нная, озари́ благода́тию ду́ши христиа́нския, те́мже с ве́рою к ней лю́дие притека́ют и уми́льно ю́ лобыза́ют, получа́юще от неду́гов душе́вных и теле́сных исцеле́ния, вас же, благослови́вших зе́млю на́шу, святи́и Васи́лие и Константи́не, похваля́ют си́це:

Ра́дуйтеся, дво́ице свята́я, кня́зие незабве́ннии;

ра́дуйтеся, дарова́вшии лю́дем ико́ну Богоро́дицы в благослове́ние.

Ра́дуйтеся, сла́ву Цари́цы Небе́сныя нам возвеща́ющии;

ра́дуйтеся, ико́ною чудотво́рною зе́млю Ру́сскую благословля́ющии.

Ра́дуйтеся, в хра́ме Успе́нстем Яросла́вскую ико́ну водвори́вшии;

ра́дуйтеся, ве́лию честь Ма́тери Бо́жией чрез ико́ну Ея́ воздавшии.

Ра́дуйтеся, лик Ея́ пресве́тлый ны́не зря́щии;

ра́дуйтеся, при́сно Ю́ за ны умоля́ющии.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 7

Хотя́ще Бо́гу уго́дная сотвори́ти и ми́лость Его́ в пакибытии́ улучи́ти, с ве́рою взира́ем на житие́ святы́х благове́рных князе́й, Васи́лия пресла́внаго и Константи́на прехва́льнаго, ти́и бо, власть от Бо́га иму́ще, наро́ду своему́ ве́рно послужи́ша и оте́чество земно́е по́двиги жития́ своего́ просла́виша, те́мже, я́ко дру́зи Христо́вы, во Оте́честве Небе́снем ра́достно пою́т Бо́гу: Аллилу́ия.

Икос 7

Свети́льницы во гра́де Яросла́вле возсия́сте и ны́не Свет Небе́сный на зе́млю на́шу ще́дро излива́ете, святи́и светоно́снии Васи́лие и Константи́не, Це́ркве Правосла́вныя ве́рная ча́да и земли́ на́шея преди́вное украше́ние есте, те́мже с ве́рою на ли́ки ва́ша взира́ем и похва́льная вам воспева́ем:

Ра́дуйтеся, смире́ния и чистоты́ испо́лненнии;

ра́дуйтеся, о́браз доброде́тельнаго жития́ явля́ющии.

Ра́дуйтеся, кня́зя горды́ни низложи́вшии;

ра́дуйтеся, ко́зни его́ смиренному́дрием до конца́ разори́вшии.

Ра́дуйтеся, свети́льницы, ева́нгельски ничи́мже сокры́тии;

ра́дуйтеся, на высоте́ жития́ благоче́стнаго во Оте́честве свое́м возсия́вшии.

Ра́дуйтеся, в терпе́нии ду́ши своя́ стяжа́вшии;

ра́дуйтеся, спасе́ние и сла́ву от Го́спода восприе́мшии.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 8

Стра́нницы земни́и, Васи́лие и Константи́не блаже́ннии, зна́тность ро́да своего́ презре́вше, ко го́рдому язы́ческому властителю на покло́н ра́ди наро́да и бла́га Оте́чества своего́ ходи́ли есте́, и жестокосерднаго правителя ми́лостива сотвори́ли есте́, те́мже му́дрость ва́шу похваля́ем и па́мять ва́шу све́тло пра́зднуем, Бо́гу же, Влады́це всех, пое́м ра́достно: Аллилу́ия.

Икос 8

Весь град удиви́ся, чу́до ве́лие созерца́я, ка́ко два сокро́вища, в земли́ сокры́тая, подо́бно двема́ со́лнцема, возсия́ста, егда́ лю́дие обрето́ша святыя мо́щи ва́ша, чу́дная дво́ице, Васи́лие и Константи́не пресве́тлии; те́мже мо́лим вы, Бо́жии рабо́тницы и дру́зи Христо́ви, дарова́ти гра́ду утвержде́ние, всем ве́рою вас почита́ющим грехо́в оставле́ние и Ца́рствию Бо́жию присвое́ние, да воспева́ем вам похва́льную песнь сицеву́ю:

Ра́дуйтеся, стра́нницы земни́и и челове́цы небе́снии;

ра́дуйтеся, ско́рии засту́пницы на́ши и учи́телие серде́чнии.

Ра́дуйтеся, я́ко мо́щи ва́ша жизнь ве́чную лю́дем возвеща́ют;

ра́дуйтеся, я́ко ты́я скорбь душе́вную на ра́дость прелага́ют.

Ра́дуйтеся, кри́ни се́льнии, чисто́тою на земли́ процве́тшии;

ра́дуйтеся, цве́ти прекра́снии, святы́нею жития́ своего́ возблагоуха́вшии.

Ра́дуйтеся, исто́чницы духо́внии, в жизнь ве́чную при́сно теку́щии;

ра́дуйтеся, скории молитвенницы, благода́тную по́мощь ве́рным подаю́щии.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 9

«Восхва́лятся преподо́бнии во сла́ве и возра́дуются на ло́жах свои́х», — та́ко возвести́ боже́ственный Дави́д ро́ду челове́ческому, сего́ ра́ди на до́брое житие́ ва́ше взира́юще, я́ко преподо́бных вас ублажа́ем, святи́и сла́внии Васи́лие и Константи́не, вы бо в весе́лии ве́чнем пребыва́юще, науча́ете нас с любо́вию пе́ти Бо́гу: Аллилу́ия.

Икос 9

Вети́и многоглаго́ливии умолко́ша, не возмога́ют бо рещи́ сла́ву, дарова́нную вам от Го́спода, ю́же о́ко челове́ческое не ви́де, у́хо челове́ческое не слы́ша и я́же на се́рдце челове́ку не взы́де; те́мже вы, я́ко фи́никси многопло́днии, во дво́рех Госпо́дних процвели́ есте́; сего́ ра́ди мо́лим вы, святу́ю дво́ицу, Васи́лие и Константи́не, помина́йте ны, земны́я сро́дники ва́ша, пою́щия вам похвалу́ сицеву́ю:

Ра́дуйтеся, мужие славнии, велий плод доброде́телей Бо́гу прине́сшии;

ра́дуйтеся, мзду небе́сную мно́гую от Го́спода восприе́мшии.

Ра́дуйтеся, кади́льницы златы́я, фимиа́м моли́тв Бо́гу за ны вознося́щия;

ра́дуйтеся, зве́зды небе́сныя, во мра́це неве́рия ве́рно светя́щия.

Ра́дуйтеся, ковче́жцы златокова́ннии, сокро́вище Ду́ха Свята́го в себе́ иму́щии;

ра́дуйтеся, гу́сли сладкозву́чныя, песнь хвалы́ Бо́гу вы́ну пою́щия.

Ра́дуйтеся, мечи́ обоюдоо́стрии, враги́ мы́сленныя посеца́ющии;

ра́дуйтеся, в по́двизех духо́вных христиа́ном помога́ющии.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 10

Спасти́ хотя́ще ду́ши своя́, не да́ли есте́ сна очи́ма свои́ма, ни ве́ждома свои́ма дрема́ния, до́ндеже вообрази́ся в вас Христо́с, святи́и богому́дрии Васи́лие и Константи́не; те́мже, ду́ши ва́ша, я́ко неве́сты Христо́вы, укра́сили есте́, и со свети́льники горя́щими Жениха́ Церко́внаго сре́тили есте́, с Ни́мже ны́не ликовству́юще, пое́те Ему́: Аллилу́ия.

Икос 10

Стена́ есте́ и заступле́ние гра́ду Яросла́влю, богому́дрии уго́дницы Васи́лие и Константи́не, и прибе́жище всем, с ве́рою призыва́ющим вас на по́мощь во вся́ких беда́х и напа́стех, дерзнове́ние бо ве́лие и́мате у Христа́ Бо́га, святи́и, помога́ти и спаса́ти вопию́щих вам такова́я:

Ра́дуйтеся, стране́ на́шей све́тлое украше́ние;

ра́дуйтеся, гра́ду Яросла́влю весе́лие и ра́дование.

Ра́дуйтеся, престо́лу Го́спода сла́вы предстоя́щии и те́пле моля́щиися о душа́х на́ших;

ра́дуйтеся, заре́ю Трисо́лнечноаго Све́та озаре́ннии.

Ра́дуйтеся, я́ко лице́м к лицу́ Бо́га зри́те;

ра́дуйтеся, вку́пе в ра́дость Го́спода вше́дшии.

Ра́дуйтеся, я́ко су́щим в беда́х и напа́стех избавле́ние подае́те;

ра́дуйтеся, я́ко и всем тружда́ющимся ско́рии помо́щницы есте́.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 11

Песнь хвалы́ и благодаре́ния прино́сим Бо́гу, ди́вному во святы́х Свои́х, я́ко дарова́ нам таковы́я кре́пкия моли́твенники и во бране́х духо́вных помо́щники; те́мже вас, святи́и бра́тие, ублажа́ем и мо́лим о спасе́нии душ на́ших, да вку́пе с ва́ми, блаже́ннии кня́зие Васи́лие и Константи́не, воспое́м Бо́гу: Аллилу́ия.

Икос 11

Свещи́ многосве́тлыя, на тве́рди церко́вней возжже́нныя, благоимени́тии Васи́лие и Константи́не, у Престо́ла Пресвяты́я Тро́ицы вы́ну предстоя́ще, испроси́те нам неотъе́млему благода́ть Свята́го Ду́ха, да Им уте́шеннии и просветле́ннии, воспое́м вам похвалу́ сицеву́ю:

Ра́дуйтеся, те́плии за ны к Бо́гу моли́твенницы;

ра́дуйтеся, от гне́ва Бо́жия на́ши засту́пницы.

Ра́дуйтеся, о́блацы, росо́ю благода́ти испо́лненнии;

ра́дуйтеся, исто́чницы, напая́ющии жа́ждущия жи́зни.

Ра́дуйтеся, кня́зие святи́и, любо́вь к Бо́гу иму́щии;

ра́дуйтеся, о благоче́стии зело́ ревну́ющии.

Ра́дуйтеся, вдов уте́шителие и ни́щих пита́телие;

ра́дуйтеся, благ небе́сных незави́стнии пода́телие.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 12

Благода́ть неизме́нно источа́ете всем с ве́рою к вам притека́ющим, благовернии князие на́ши, Васи́лие и Константи́не, мы же, я́ко еле́ни на исто́чники водны́я, ко святы́м моще́м ва́шим припа́даем, никто́же бо от них тощ и неуте́шен оты́де, оба́че ра́дости духо́вныя испо́лнени, в ликова́нии серде́чнем вам благодаре́ние прино́сим, Бо́гу же воспева́ем умиле́нно: Аллилу́ия.

Икос 12

Пою́ще чудеса́ и по́двиги ва́ша, блаже́ннии Васи́лие и Константи́не, диви́мся благоутро́бию Бо́жию, ка́ко си́ла благода́тная в немощны́х сосу́дех скуде́льных пребыва́ющи, вся́кую я́зю и неду́г врачу́ет, ско́рбных утеша́ет и вся благопотре́бная, с ве́рою прося́щим да́рует. За сию́ ми́лость благодаре́ние Бо́гу прино́сим, вас же ублажа́ем похвала́ми сицевы́ми:

Ра́дуйтеся, ка́мение многоце́ннии сла́вы Ца́рства Христо́ва;

ра́дуйтеся, скрижа́ли заве́тныя сладча́йшаго И́мене Иису́сова.

Ра́дуйтеся, цевни́цы изря́дныя Ду́ха Свята́го;

ра́дуйтеся, трубы́ громогла́сныя Бо́га Небе́снаго.

Ра́дуйтеся, сене благолиственная, от зно́я страсте́й нас покрыва́ющее;

ра́дуйтеся, ве́стницы, боже́ственную во́лю нам возвеща́ющии.

Ра́дуйтеся, хода́таи за зе́млю Ру́сскую;

ра́дуйтеся, раде́телие за Це́рковь Правосла́вную.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 13

О, пресла́внии угодницы, Васи́лие и Константи́не, в земли́ Ярославской просия́вшии, приими́те ма́лое сие́ моле́ние на́ше, помози́те нам, во юдо́ли скорбе́й живу́щим, испроси́те у Го́спода мир и ве́лию ми́лость земны́м сро́дником ва́шим, да вку́пе с ва́ми и со все́ми святы́ми сподо́бимся на земли́ живы́х пе́ти Бо́гу хвале́бную песнь: Аллилу́ия. (Трижды)

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

А́нгелом Небе́сным удивле́ние бысте, святи́и сла́внии кня́зие, Васи́лие и Константи́не, егда́ возжела́ли есте́ Христу́ со усе́рдием послужи́ти и за́поведи Его́ всеце́ло испо́лнити. Те́мже равноа́нгельно на земли́ пожи́ли есте́, ны́не же вку́пе со безпло́тными песнь хвалы́ Царю́ царе́й воспева́ете и моли́твы те́плыя за ны Бо́гу возно́сите; мы же, недосто́йная ча́да ва́ша, благода́рная вам возглаша́ем, пою́ще ра́достно похвалу́ сицеву́ю:

Ра́дуйтеся, А́нгелом небе́сным подо́бницы;

ра́дуйтеся, ве́ры правосла́вныя побо́рницы.

Ра́дуйтеся, адама́нти пресве́тлии и столпи́ Це́ркве непоколеби́мии;

ра́дуйтеся, кня́зие пречу́днии, Оте́честву стено́ необори́мая.

Ра́дуйтеся, догма́тов церко́вных тве́рдии храни́телие;

ра́дуйтеся, о наро́де Бо́жии те́плии попечи́телие.

Ра́дуйтеся, лучи́ духо́вныя Со́лнца Жива́го;

ра́дуйтеся, хра́мины украше́нныя Ду́ха Свята́го.

Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Кондак 1

Избра́ннии чудотво́рцы и уго́дницы Бо́жии, / свята́я кня́жеская дво́ице, / Васи́лие прехва́льне и Константи́не преди́вне, / вы, я́ко два столпа́ непоколеби́ма, / зе́млю Яросла́вскую утвержда́ете и по́мощь всеси́льную христи́аном да́руете; / те́мже, па́мять ва́шу све́тло пра́зднующе, / песнь хвалы́ поси́льную прино́сим вам и уми́льно вопие́м: / Ра́дуйтеся, Васи́лие и Константи́не, / земли́ Яросла́вския чудотво́рцы прехва́льнии.

Молитва

О, всехва́льнии и достоблаже́ннии кня́зие Васи́лие и Константи́не, вы у́бо по́двигом до́брым подвизасте и житие свое в ве́ре сконча́ли есте́, ны́не же в Ца́рстве сла́вы со святы́ми весели́теся и ра́йских блаже́нств наслажда́етеся; те́мже на сла́ву ва́шу уми́льно взира́ем и вас, я́ко те́плых моли́твенников ублажа́ем. Ей, всечестна́я богоуго́дная дво́ице, воззри́те на ны ми́лостивно и да́руйте нам вся потре́бная ко спасе́нию. Еще́ же мо́лим вас, испроси́те у Го́спода Це́ркви мир и утвержде́ние, архипа́стырем и па́стырем в благода́ти хожде́ние, мона́хом во смире́нии и терпе́нии пребыва́ти и моли́тву непреста́нно твори́ти, и всем нам друг ко другу любо́вь нелицеме́рную име́ти. Еще́ же да́руйте нам мыта́рств возду́шных безбе́дное прохожде́ние и на Стра́шнем Суде́ Христо́ве одесну́ю Бо́га стоя́ние, да прославля́ем Пресвяту́ю Тро́ицу, Отца́ и Сы́на и Свята́го Ду́ха во ве́ки веко́в. Ами́нь.