Родовое письмо Шиловских и тайны древней истории Руси.
В лето 6751 ис цесарския державы Римския страны мужи славены и добра рода Александер да Михалька Кастантевича2 Шиловские приехали х королю Лешку палскому, а в тее время княжа[щ]у3 в Киеве великому князю Данилу Романовичю. Тот же великий княз Данило Романовичь писася самодержцем Руские земли; сыну же своему Лву взя дочь короля венгерского. И слыша, что киевские князи храбрые и благочестию ревнители, и не восхоте жити у короля полского Лешка; покиня ма[ет]ности4, приехали в Киев к Великому князю Данилу Романовичю и к сыну его князю Лву, а с ними челюдних 86 мужей; а наши и приняли радосно и удоволили честию великою и богатством5.
А по смерти отца своего великого князя Данила Романовича великий князь Лев Даниловичь павеле заложити великий град и, создав, повеле назвати от своего имяни Лвов, Александра же Костентивича посади наместником во Ль[во]ве6, во владенья в[д]а7 ему; Михаля же удержава при себе, в покои своем путе правил, а после великого князя Лва Даниловича в Киеве пребывая, владея даньем7 великого князя Лва Даниловича. ...
